Afrika e Jugut ka shënuar një rritje të madhe të infektimeve gjatë javës së fundit. Shifrat kanë bërë që zyrtarët e Organizatës Botërore të Shëndetësisë të ngrenë alarmin, pasi rrezikohet që Covid-19 të përhapet me shpejtësi në të gjithë kontinentin Afrikan.
“Ndërsa Afrika është duke u përballur me një situatë të rëndë, unë mendoj se kjo mund të jetë një rrezik i madh për të gjithë kontinentin, nëse nuk merren veprime urgjente për të siguruar mbështetje ndaj shteteve”, tha të hënën Dr. Mike Ryan, zyrtar i OBSH.
Ryan u shpreh se rastet janë rritur me 30% vetëm gjatë javës së fundit në Afrikë.
“Ndonjëherë, kjo sëmundje mund të largohet shumë shpejt, por në raste të tjera përhapja mund të jetë e ngadaltë dhe më pas të përshpejtohet. Është shumë e vështirë të kuptohet plotësisht sjellja e këtij virusi”, ka thënë Ryan.
Afrika e Jugut renditet e pesta në botë për numrin e personave të prekur me koronavirus./Opinion.al
