Nuk ka ende prova shkencore se personat e shëruar nga Covid-19 kanë krijuar antitrupa që mund të mbrojnë nga një infektim i dytë. Ky është fakti që rikujton OBSH përmes një dokumenti, sipas të cilit: “Në këtë pikë të pandemisë nuk ka evidence të mjaftueshme mbi efikasitetin e imunitetit të krijuar nga antikorpet për të garantuar një pasaportë imunitare apo një çertifikatë të lirisë nga rreziku”.
Disa qeveri shpjegon OBSH kanë sugjeruar se gjetja e antritrupave të Sars-CoV-2 mund të shërbejë si bazë për një pasaportë imunitetit për t’u lejuar individëve udhëtimin apo kthimin në punë duke supozuar se janë rë mbrojtur nga riinfektimi.
“Shumë nga studimet kanë treguar se personat që janë shëruar nga infeksioni kanë antitrupa të virusit. Megjithatë disa prej tyre – shkruan OBSH –kanë nivele ekstremisht të ulëta të antitrupave neutralizues në gjak. Deri më 24 Prill 2020 asnjë studim nuk ka vlerësuar se prania e ntitrupave të Sars-CoV-2 mund të krijojë imuniteti ndaj një infektimi të dytë”./Opinion.al
