17-vjeçari Kevin Bitri është plagosur me thikë mbrëmjen e djeshme në qytetin e Rrëshenit. Ai ndodhet në gjendje të rëndë në spitalin e Traumës në Tiranë. Diaqeza e këtij qyteti përmes një postimi në facebook njofton se lutjen e së dielës do të jenë për shërimin e tij.
“Lutjet tona ne kete te djele do te jene per Kevin Bitrin qe mbreme u qellua me thike ne Rreshen. O Hyj i jetes, jepi shendet dhe mbaje ne jete Kevinin e jepi qytetit te Rreshenit paqen dhe sigurine per te gjithe”.
Ende nuk dihen motivet e kësaj ngjarje të rëndë. Policia përmes një njoftimi tha se “dje rreth orës 18:50 pas një konflikti të çastit A.L. 15 vjeç, ka plagosur me thikë, K.B. 17 vjeç, banues në Rubik, i cili ndodhet në spitalin e Traumës në Tiranë, nën kujdesin mjekësor. Autori i dyshuar është shoqëruar në Komisariatin e Policisë Mirditë për veprime të mëtejshme hetimore procedurale, ndërsa grupi hetimor nën drejtimin e Prokurorisë së Rrethit Gjyqësor Lezhë, vazhdojnë hetimet për zbardhjen e plotë të rrethanave të ngjarjes”.
Kjo është ngjarja e dytë e rëndë ku janë të përfshirë adoleshentë. Në enjten në Fier u ther me thikë dhe humbi jetën Denis Vrenozi 16 vjeç.
Lexo edhe
16 vjecari ne fier u vra pa asnje motiv
/Opinion.al
