38-vjeçari Klodian Çalamani është autori që mori peng dhe vrau 8-vjeçarin në Fier. Pasi e vrau Çalamani e groposi të miturin në oborrin e banesës së tij ku jetonte i vetëm
Në vendin e ngjarjes kanë shkuar familjarët dhe banorët e zonës të cilët kanë tentuar të futen në banesë, por nuk janë lejuar nga policia e cila po mblidhte të dhënat nga vendi i krimit.
Ngjarja ka shokuar banorët e fshatit të cilët shprehen të indinjuar për vrasjen horror.
“Oboboo, o të q*fsha robt ça i ka bërë ai”, shprehet një person, që nuk dihet nëse ka qenë i afërt me viktimën.
“Do ketë kaluar ai”, dëgjohet të thotë një tjetër.
Në momentin që është marrë peng, i mituri ka qenë duke shëtitur me biçikletën e Çalamanit. Ka qenë nëna e djalit që ka dhënë alarmin në lagje se i mituri nuk gjendej dhe se nuk kishte shkuar as në shkollë. Pasi kontrolluan në lagje, ajo bashkë me bashkëshortin bënë denoncimin në polici.
Pas këqyrjes së disa kamerave të sigurisë në lagje, u pa nga prindërit se 8-vjeçari kishte hyrë në banesën e 38-vjeçarit Klodian Çalamani.
Pasi u konstatua nga kamerat se i mituri ishte futur në banesën e Çalamanit, Policia ka hyrë në banesën e 38-vjeçarit. Ai u mor në pyetje dhe pasi disa minutash pranoi autorësinë e krimit.
Sipas “BalkanWeb”, autori ka thënë para policisë se “e mora në shtëpi. E vrava dhe e groposa me baltë në oborr”. Aktualisht ende nuk janë të qarta rrethanat dhe shkaqet e ngjarjes së rëndë./Opinion.al
