Vazhdojnë replikat mes kryeministrit Edi Rama dhe Lulzim Bashës përmes videove në rrjete sociale.
Ditën e sotme Rama i është përgjigjur Bashës për disa pyetje që i ka ngritur një ditë më parë.
Ai i ka kërkuar Bashës të tregojë vizionin e euroatlantikëve, duke i thënë se çfarë do bëjë ndryshe nga këneta, referuar koalicionit të Sali Berishës.
Basha: O Ramë pasagjer ngele mor burrë si nuk të pashë një herë në timon, po harrove, nuk di me i dhënë ti”.
Me ironi, Rama iu përgjigj Bashës duke i thënë se ai vetë nuk ka timon.
“E vërtetë nuk kam timon unë, ku kam timon unë, s’e pata fatin tat. Ti timonin timon, muzika muzikë, xhiroja xhiro, aritmetika aritmetikë, gjumi nuk diskutohet gjumë top. Po shyqyr që më prezantove Unikattilin”, u përgjigj Rama.
Basha: Ku i ke shokët o Rame, ata që firmosin për ty?
Rama: Aa këtu tani ia fute kot, ia fute içik kot, po nuk ka gjë se ta do puna. O Lul po Hysenin e keni dëgjuar.
Basha: O ti je më buf se bufi, të vjedhin shokët pas shpine, ose ti je nona e kësaj pune?! Je kreu i bandës
Rama: Akoma nuk tu bë bajat kjo gjuha e bufit o vlla? Vjedhje vjedhje, banda banda, droga droga. Po ndrroje pllakën e gramafonit o artist. Na jep vizionin euroatlantikëve, na thuaj ça do bësh ti ndryshe nga këneta? Mor Lul edhe në fletë të votimit katra të kishte ngel? Ty të kanë ngel vetëm çelsat e makinës.
Basha i kujtoi Ramës paketat e cigareve.
Rama: E kam lënë cigaren o Lul, se ti të ka ngel ora kur ndejtën bashkë deri pas mesnate, që u thanë dy paketa se mi piva gjysmat ti a më shumë se kishe emocione. Mirë cigaret pi dhe gjysmën e qeverisë ta dhashë…
