Tregtari i gjelave të detit në Vlorë ka reaguar i revoltuar në një prononcim për një media në vend.
Video është bërë virale në rrjetet sociale, teksa shitësi tregon se ka rënë kërkesa për gjela deti.
Ai thotë se tani më familjet shqiptare janë me pak anëtarë dhe sipas tij, edhe ato që kanë mbetur janë pleq. Ashtu siç edhe mund të dëgjoni në video tregtari iu bën thirrje të rinjve që të ngrihen për Shqipërinë.
Ndër të tjera tregtari thotë se ka shumë nga ato persona se harxhojnë nga 40 mijë lekë në parukeri, ndërsa kur bëhet fjala për të blerë gjelin bëjnë naze.
Në fund zotëria ka edhe një thirrje për kryebashkiakun e Vlorës, Dritan Lelin , lidhur me tregun e Novoselës, sipas të cilit, punëtarët e pazarit i rrjepin tregtarët.
