Motra e Egli Progës e ka pritur me thirrjet “O kafshë” sot para dyerve të Gjykatës së Korçës , Denis Meçen dhe 3 personave të tjerë të akuzuar për moskallëzim krimi.
Vrasja e Egli Progës mbrëmjen e së shtunës në qytetin e Pogradecit, në orët që pasuan u shoqërua me një sërë paqartësish mbi dinamikën dhe nëse ngjarja ishte një vdekje aksidentale si pasojë e konsumimit të alkoolit nga ana e viktimës apo një vrasje siç dyshimet janë më të shumta.
Në momentet e para kur i ndjeri u gjet në rrugë, mediat raportuan se sipas të dhënave paraprake, 42-vjecari në gjendje të dehur ishte rrëzuar dhe kishte gjetur vdekjen. Por konstatimet e para të mjekëve që tentuan t’i japin ndihmën e parë në spitalin e Pogradecit, ngritën dyshime se i ndjeri ishte dhunuar. Dhe verifikimet e mëpasshme të policisë me pyetjen e dëshmitarëve në vendngjarje dhe pamjet e kamerave të sigurisë dolën në përfundimin dhe Egli Proga ishte dhunuar nga Denis Meçe dhe tre persona të tjerë të cilët tashmë janë arrestuar nga policia e Pogradecit.
Bëhet fjalë për Voltan Shulku, Arian Manellari dhe Leonidha Guce të gjithë nga Pogradeci.
Ngjarja kishte ndodhur jashtë ambienteve të lokalit.
