Një 61-vjeçar nga Tirana është shpallur në kërkim nga policia pasi akuzohet se nxirrte në mënyrë të paligjshme pllaka guri në Malin e Tomorrit.
Po ashtu, është proceduar penalisht dhe A. B., 34 vjeç, banues në Poliçan, administrator i subjektit Arseo sh.p.k. Mësohet se 61-vjeçari është administrator i subjektit Klerajdi sh.p.k.
Gjithashtu, në subjektin me administrator shtetasin A. B. janë konstatur dhe dy punonjës të pasiguruar.
Materialet u referuan në Prokurorinë pranë Gjykatës së Shkallës së Parë Berat, për veprat penale “Dëmtim i habitateve në zonat e mbrojtura mjedisore”, “Fshehja e të ardhurave” dhe” Punësim i paligjshëm”./ Opinion.al
