Trupi i pajetë i 35-vjeçarit Gentian Zalli është nxjerrë sot nga ujërat e lumit Valbonë në Tropojë. Zalli i cili ishte i punësuar si punëtor në mirëmbajtjen e rrugës, prej datës 16 Dhjetor rezultonte i zhdukur.
Sipas informacioneve të kolegëve ai ishte larguar gjatë kohës së pushimit të drekës për të mbushur ujë të pijshëm tek burimi në afërsi të lumit të Valbonës, por nuk është kthyer më.
Forcat e Komisariatit të Policisë Tropojë në bashkëpunim me familjarët dhe banorët e zonës, në vijim kërkimeve për gjetjen e tij, kanë gjetur trupin e pajetë në vendin e quajtur Quku i Dunishes, rreth 2 km larg burimit.
Trupi i Gentian Zallit po transportohet në spitalin e Valbonës për kryerjen e ekspertizës mjeko- ligjore.
