Roja Bregdetare e SHBA-së thotë se ka gjetur mbetje njerëzore në mbeturinat e Titanit të gjetura nga fundi i oqeanit. Nëndetësja shpërtheu menjëherë pas zhytjes në thellësi të oqeanit për të parë gjurmët e Titanikut.
Vetëm në orët e fundit janë gjetur disa rrënoja të nëndetëses dhe janë nxjerrë në breg për hetime.
Mbetjet, të mbledhura me kujdes nga rrënojat në vendin e rrëzimit, mund të ofrojnë “elemente vendimtare” për të kuptuar atë që ndodhi, sipas kapitenit Jason Neubauer që drejton hetimin.
Titani u zhyt në 18 qershor për të vëzhguar mbytjen e Titanikut. Ai duhej të ishte rishfaqur shtatë orë më vonë, por dy orë pas fillimit të zhytjes, kontakti humbi. Kërkimet vazhduan për katër ditë.
Çfarë ka mbetur nga nëndetësja
Përfundimisht, Roja Bregdetare e SHBA tha se Titan ishte subjekt i një “shpërthimi katastrofik”, i cili vrau të pesë pasagjerët menjëherë. Mbeturinat u gjetën rreth 500 metra larg rrënojave të Titanik, në një thellësi prej gati 4000 metrash. Ato u sollën në breg të mërkurën në Saint John of Neëfoundland në Kanadanë lindore. Mediat kanadeze kanë treguar pjesë të asaj që duket të jetë hunda e nëndetëses dhe pjesë të bykut. Një nga drejtuesit e kompanisë Pelagic Research Services, e cila kishte vendosur robotin e saj nënujor të operuar nga distanca (ROV) për të skanuar fundin e Atlantikut, konfirmoi se për sa i takon kërkimeve në det kanë përfunduar. “Ne kemi përfunduar pjesën tonë në det,” tha zëdhënësi Jeff Mahoney për AFP.
“Ishte një operacion jashtëzakonisht i rrezikshëm, si për ROV ashtu edhe për ekipin, i cili punonte gjatë gjithë kohës, praktikisht pa gjumë gjatë gjithë kohëzgjatjes së operacionit,” vazhdoi ai. Duke konfirmuar se të gjitha ekipet tani po ktheheshin në SHBA. Janë hapur disa hetime nga Kanadaja dhe SHBA për të përcaktuar shkaqet e shpërthimit të nëndetëses. Akuza ndaj Oceangate Expedition është ajo e neglizhencës në siguri. Një ish-ekzekutiv i kompanisë kishte shprehur në veçanti dyshime serioze për sigurinë e pajisjes, vrima e vetme e së cilës nuk do të ishte projektuar për të përballuar thellësi të tilla. “Mbetet shumë punë për të kuptuar faktorët që çuan në humbjen katastrofike të Titanit. Për të ndihmuar që një tragjedi e tillë të mos ndodhë më kurrë”, përfundoi kapiteni Neubauer të mërkurën./Opinion.al
