I penduari i drejtësisë Nuredin Dumani u përballë këtë të premte me Erjon Alibejn, të cilin e akuzon si porositës të disa vrasjeve në Elbasan dhe jo vetëm.
Dumani u shoqërua në orët e para të mëngjesit nga Spitali i Burgut, pranë SPAK me forca të shtuara të sigurisë, teksa Alibej pretendon se dëshmia e tij nuk qëndron dhe është e pasaktë.
Përballja do të bëhet edhe me bashkëpunëtorin tjetër të drejtësisë, Henrik Hoxhaj, i cili deklaron rrethana të ngjashme me dumanin duke implikuar Alibejn në një sagë vrasjesh për hakmarrjen e ekzekutimit të vëllait të tij Endrit Alibej.
Dumani ka rrëfyer se me kërkesë të Alibejt është bërë vrasja e Emiljano Ramazanit me armë zjarri dhe ajo e Regis Runajt me thikë në Elbasan. Gjithashtu dëshmia e tij e implikon atë edhe në vrasjen e vëllezërve Haxhia në Durrës dhe porosinë për eliminimin e një efektivi policie në Elbasan.
Dëshmia e këtyre bashkëpunëtorëve zbardhën deri tani 18 krime të kryera që prej vitit 2011./Tv Klan
