Britania e Madhe ka shënuar shifrën më të ulët të vdekjeve në dy javë, ndërsa bilanci i 24 orëve të fundit flet për 596 viktima, një shifër ende e lartë, por në trend zbritës. Numri total i viktimave që humbën jetën të prekur nga COVID në të gjithë vendin ka shnuar 16,060 persona, ndërsa numri i të prekurve ka arritur në 120,067 qytetarë.
Vendi po synon të rrisë numrin ditor të testimeve nga 15,944 që janë aktualisht në 100,000 që është vendosur si target deri në fund të muajit.
Ndërkohë mediat raportojnë se po përgatitet edhe një strategji e daljes nga masat shtrënguese me tri shkallë, me qëllimin ringjalljen e ekonomisë.
Një ekspert shkencor që është duke këshilluar qeverinë, paralajmëroi sot se lirimi i masave mund të shkaktojë një valë të dytë të sëmundjes në vijim./Opinion.al
