Pavarësisht rritjes së numrit të personave të prekur nga COVID-19, kryeministri Boris Johnson është i vendosur ta çojë Britaninë e Madhe drejt lehtësimit të masave kufizuese. Nga e hëna e ardhshme, thuajse të gjitha kufizimet anti-covid në vend do të hiqen.
Johnson theksoi edhe një herë se pandemia nuk ka mbaruar dhe qytetarët nuk duhet ta humbasin vigjilencën.
Udhëzimet e reja të qeverisë britanike nënkuptojnë se qytetarëve do t’u rekomandohet që të mbajnë maska në vende të populluara dhe që çdo kthim në zyra këtë verë duhet të jetë “gradual”./ Opinion.al
