“Numri i deputetëve që janë kundër demarkacionit po rritet”

Deputeti i Aleancës për Ardhmërinë e Kosovës, Bali Muharremaj ka thënë se numri i deputetëve nga pozita që e kundërshtojnë demarkacionin është duke u rritur, njofton Klan Kosova.

Ai ka thënë se si përfaqësues të zgjedhur nga populli do të shprehin vullnetin kundër këtij procesi me votën e tyre.

Ky është postimi i plotë i Muharremajt:
“Të nderuar qytetarë,

Ne tani ndodhemi në Kuvendin e Kosovës, për t’i thënë jo Demarkacionit me Malin e Zi. Si përfaqësues të zgjedhur nga populli, ne sot do të shprehim vullnetin tonë përmes votës, duke votuar kundër.

I falenderoj deputetët edhe nga pozita, të cilët gjithnjë e më tepër po rritet numri i atyre që po kundërshtojnë këtë marrveshje, e cila e dëmton territorin e Kosovës.

Ky Koalicion është i dobët. Ata kanë forcë vetëm me listën serbe, e cila me mungesen e saj, po i bën të pafuqishëm ata. Duke mos ardhë së bashku në Kuvend, vazhdojnë të na dëshmojnë se nuk ia duan të mirën vendit, por që pushteti i tyre mbahet me pazare politike, që e e dëmton vendin dhe të ardhmen tonë.”