Kur kanë mbetur pa numëruar në Tiranë edhe pak kuti, sipas rezultatit të KQZ-së, qytetarët e kryeqytetit kanë hedhur në kutitë e votimit plot 7924 vota të pavlefshme.
Një shifër kjo e lartë, po të mendosh se po të shkonin në favor të ndonjërës prej forcave politike në garë, mund të ndikonin edhe mandate.
Sikur këto vota të shkonin për PDIU apo për LIBRA, me siguri që këto parti do të ishin përfaqësuar me deputetë në Kuvendin e Shqipërisë për legjislaturën e ardhshme duke u marrë partive të mëdha mandate.
Po ku kanë shkuar këto vota? Disa prej tyre janë bërë objekt talljeje nëpër rrjetet sociale. Qytetarët e kanë shfrytëzuar fletën e votimit për të shfryrë dufin, dhe jo për të votuar, siç e shihni edhe në fotot më poshtë.
Në Tiranë, PS ka siguruar 18 mandate, PD 11 mandate, LSI 5.
