Në kuadër të masave të marra për parandalimin e përhapjes së koronavirusit, janë ndëshkuar me masë administrative, administratori i një call center-i dhe i një lokali në Durrës.
Policia njofton se gjatë kontrollit të qytetit për “Moslejimin e grumbullimeve në ambientet e hapura dhe të mbyllura”, është konstatuar se një “call center, në lagjen nr. 1, Durrës, me përfaqësuese të autorizuar shtetasen M. Z. Pas kontrollit në ambientet e brendshme të këtij subjekti u konstatua se punonjësit nuk ishin të pajisur me masa mbrojtëse. Ky subjekt ka marrë masën administrative 700 000 lekë.”
Po ashtu, është ndëshkuar me 100 mijë lekë gjobë dhe një lokal që administrohej Sh. A., 51 vjeçe në lagjen nr. 16, Durrës,
Ndërkohë, Policia u bën thirrje qytetarëve t’u binden ndalesave të përcaktuara dhe të kufizojnë sa më shumë lëvizjet, për të mirën e përbashkët./ Opinion.al
