Kreu i SPAK, Altin Dumani ka raportuar sot në Komisionin e Ligjeve në Kuvend për punën e bërë nga institucioni që ai drejton për vitin 2022.
Gjatë raporitmit, ai është pyetur nga deputeti socialist, Pandeli Majko për marrëdhënien me drejtuesit e Byrosë Kombëtare të Hetimit.
Majko kërkon të dijë nëse marrëdhënia jo e shëndetshme është thjesht një keqkuptim apo përplasje në drejtim të zbatimit të ligjit.
“Konstatohet nga mediat një marrëdhënie jo e shëndetëshsme midis drejtuesve të SPAK dhe të BKH-së. Ne do të donim të dinim pse kjo situatë? Është e vërtetë? Nuk na intereson nëse pini kafe me njëri-tjetrin. Por çfarë ka ndodhur? Është keqkuptim apo përplasje në drejtim të zbatimit të ligjit?”, tha Majko.
Ndërkohë nga ana tjetër Dumani është përgjigjur duke e mohuar një gjë të tillë.
Ai thotë se prokurorët e SPAK kanë një marrëdhënie të shkëlqyer pune ndërvepruese.
Sipas tij të gjithë kolegët kanë çështje në hetim dhe kanë një rritje në angazhim dhe profesionale.
“Mirëpres çdo problematikë apo kritikë. U thanë nga ju për vlerësimin e prokurorëve, ato i bën KLP! Sa i takon vlerësimit të hetuesve të BKH, ka një raport të drejtuesit të BKH që e ka dorëzuar, ne kemi bërë një diskutim. Ne kemi harmonizuar çdo qëndrim tonin edhe me ndërkombëtarët që monitorojnë veprimtarinë e BKH. Sa i përket marrëdhënies me BKH, ju garantoj se janë shumë të mira. Hetuesit janë funksionalë. Sot që flasim, në shumicë absolute hetuesit e BKH mbulojnë hetimet kryesore. Kemi një marrëdhënie shumë të mirë, ndërvepruese. Të gjithë kolegët kanë çështje në hetim dhe me kënaqësi mund të them se ka një rritje në angazhim dhe profesionale të hetuesve të Byrosë Kombëtare të Hetimit”, tha Drejtuesi i SPAK, Altin Dumani./Opinion.al
