Këngëtarja Albërie Hadërgjonaj bëri bujë mediatike kur në emisionin Oxygen në “Klan Kosova” tha:
“Unë nuk kam shkuar më në Kënga Magjike sepse pa fyer asnjë këngëtar, Aurela Gaçe shkon dhe i merr 5 këngëtarë me vete që këndojnë tek lokali i saj, 4-5 shokë, edhe pak respekti dhe fiton!”
Deklarata e saj bëri xhiron e thuajse të gjitha portaleve ndaj Albëria u detyrua ta sqarojë kolegët por dhe ndjekësit me anë të një postimi në Instagram:
“Më vjen shumë keq që u keqkuptua mënyrë se si e thashë se Aurela dhe Flori kur marrin pjesë te Kënga Magjike, kanë kolegët këngëtarë që janë pjesëmarrës dhe propabiliteti që të fitojnë është tek ata. Në fakt kjo s’do të thotë se nuk i vlerësoj dhe i dua. Thjesht nuk më ka pëlqyer mënyra e votimit asnjëherë!’
Hadërgjonaj shton se gëzon verësim dhe dashuri për kolegët por ka rezerva ndaj mënyrës së votimit.
Kujtojmë se kjo nuk është hera e parë që ndaj votimit në festival ka pakënaqesi dhe rezerva te shumta.
