Policia e Shtetit ka njoftuar se janë gjobitur 1710 qytetarë të cilët nuk kishin vendosur maskën. Ndërsa, 38 qytetarë dhe 3 subjekte u gjobitën pasi nuk zbatuan masat kufizuese pas orës 22:00, në fundjavë.
Po ashtu, policia informon se u gjobitën dhe 10 administratorë lokalesh në ambientet e të cilëve kishte muzikë pas orës 20:00 dhe nuk respektoheshin protokollet e sigurisë.
Gjatë kontrolleve në fundjavë janë shoqëruar në ambientet e Policisë në të gjithë vendin, 12 persona që nuk kanë pranuar t’i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë./ Opinion.al
