Policia e Shtetit ka njoftuar se janë gjobitur 592 qytetarë të cilët lëviznin pa maskë. Po ashtu janë gjobitur dhe 9 qytetarë që u konstatuan duke lëvizur në këmbë pas orës policore.
Autoritetet njoftojnë se është gjobitur dhe një lokal në ambientet e të cilit nuk respektoheshin protokollet e sigurisë.
Sipas informacioneve, gjatë kontrolleve janë shoqëruar në ambientet e Policisë në të gjithë vendin, 6 persona që nuk kanë pranuar t’i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë./ Opinion.al
