Një 44-vjeçar është ndaluar sot nga Policia e Durrësit pasi kishte hapur lokalin e tij në kundërshtim me Aktin Normativ.
Pas kontrollit të ushtruar në lokalin e tij në lagjen nr. 18, Durrës, shërbimet e Policisë gjetën dhe sekuestruan në cilësinë e provës materiale edhe një armë zjarri pistoletë tip “Beretta” dhe një krehër me 4 fishekë.
I arrestuari me iniciale E.L rezulton banues në Durrës. Ndaj tij tashmë rëndon vepra penale “Armëmbajtja pa leje”, për të cilën Kodi Penal parashikon dënimi me burgim deri në 7 vjet. Por si të mos mjaftonte tashmë i duhet të paguajë edhe gjobën e vendosur pasi hapi lokalin në kohë karantine. /Opinion.al
