Kryeministri Edi Rama ka dërguar një tjetër mesazh për gjyqtarët dhe prokurorët në fjalën e tij në Forumin e me temë “Fund dhunës ndaj grave në Ballkanin Perëndimor dhe në Turqi”.
Duke folur për rezultatet e Reformës në Drejtësi, Rama u ndal tek një pjesë e gjyqtarëve dhe prokurorëve që sipas tij nuk mund ta kalojnë vetingu dhe shtoi se“disa nuk po luajnë mirë”.
“Po punojmë shumë për Legjislacionin, se po jetojmë në një moment jetik, por edhe në kthesë dramatike sa i përket Reformës në Drejtësi që është shumë i qartë për të ardhmen që duam të kemi, por s’është një vend ku mund të bëjmë një gjumë të qetë për të tashmen se kemi procesin e Vetingut të gjyqtareve e prokurorëve, është proces shumë i vështirë dhe praktikisht po prodhon një situatë pastrimi rrënjësor dhe madhor në 180 raste që kanë kaluar vetingun 68 janë jashtë dhe po flas për nivele më të larta, kryeprokuror e kryegjyqtar.
Kemi një sërë prokurorësh e gjyqtarësh që e dinë se nuk mund ta kalojnë Vetingun. Ata po luajnë sikur është vakti i fundit, pra nuk po luajnë mirë dhe duan që t’i kenë të gjitha. Ky proces i kalbur i drejtësisë ka krijuar një zinxhir të gjatë ngjarjesh tragjike, presioni e dhune”, tha Rama.
Zëvendëskryeministri Braçe dhe kryeministri Rama kanë akuzuar prokurorin e Durrësit Arjan Ndoja si të lidhur me bandat kriminale dhe kanë paralajmëruar se nuk do t’i shpëtojë Reformës në Drejtësi, duke thënë se edhe nëse shkarkohet nga Vettingu. /Opinion.al
