Gjatë orëve të mbrëmjes së djeshme dhe orëve të para të mëngjesit të sotëm janë pezulluar disa patenta nga policia, ndërsa sërish janë kapur disa të rinj duke udhëtuar me shpejtësi skëterrë.
Siç bën të ditur policia, edhe pse kontrollet e Policisë Rrugore te Tiranes janë intensifikuar, ka sërish raste ku shpejtësia i tejkalon jo vetëm kufijte maksimale të lejuar, por arrin në limite të frikshme.
‘163 km/h. 173 km/h. 176 km/h’, janë disa prej kilometrave me të cilat po ecnin mjetet që policia ka ndaluar gjatë natës.
15 Leje Drejtimi te pezulluara për shpejtësi të rrezikshme për përdoruesit e rrugës.
13 Leje Drejtimi për drejtim mjeti nën efektin e alkoolit
Gjatë kontrolleve të kryera, policia rrugore ka konstatuar dhe arrestuar drejtues mjetesh që drejtonin mjetin në gjendje të dehur apo pa leje drejtimi.
Konkretisht :
– Në rrugën “Xhorxh Ë Bush” shtetasi me iniciale Sh.R., 57 vjeç, u verifikua se drejtonte motomjetin nën efektin e alkoolit në masën 0.59 mg/l.
– Në rrugën “Ibrahim Rugova” shtetasi me iniciale E.B., 21 vjeç, u verifikua se drejtonte mjetin nën efektin e alkolit në masën 0.56 mg/l.
– Në rrugën “Xhorxh Ë Bush” shtetasja me iniciale I.D., 37 vjeçe, u verifikua se drejtonte mjetin nën efektin e alkoolit në masën 0.52 mg/l.
– Në rrugën “Selim Brahja” shtetasi me iniciale A.T., 20 vjeç u verifikua se drejtonte mjetin i papajisur me leje drejtimi.
