Borxhi ndaj Martin Kavdanskit, mbrojtësit bullgar i ka kushtuar shumë klubit të Tiranës. Ajo që flitej prej kohësh tashmë ka marrë dhe konfirmim zyrtarë:
“Panorama Sport” ka publikuar sot faksin e dërguar nga FIFA ku në të shkruhet se Tirana nuk mund të afrojë asnjë lojtar nga dhe se ky vendim ka hyrë në fuqi.
“I nderuar zotëri, i referohemi çështjes së lartpërmendur, për shkak të vendimit të miratuar nga Dhoma e Zgjidhjes të Mosmarrëveshjeve, më 17 qershor 2016, një kopje të cilit është njoftuar më 1 korrik 2016. Në këtë drejtim, ne pranojmë marrjen e korespondencës më datat 10 dhe 19 gusht 2016, që ia kemi paraqitur me shërbimet tona z. Martin Kavdanski, më anë të cilit ai e konfirmon se nuk ka marrë shumë e përcaktuar në pikën III/2 të vendimit të lartpërmendur. Si pasojë, në korrespondencën tonë prej 1 korrikut 2016, me mirësi po ju informojmë që pika III/5 e vendimit të lartpërmendur tashmë ka hyrë në fuqi, pra një ndalim të imponuar për regjistrimin e lojtarëve të rinj, vendës dhe të huaj, për periudhën e ardhshme të regjistrimit (federimit) të lojtarëve”, shkruhet në korrespondencën e FIFA-s me skuadrën e Tiranës.
