Në një dalje për mediat këtë të premte, Partia e Lirisë ka bërë me dije se Gjykata e Tiranës ka pranuar ankimimin e Ilir Metës lidhur me çështjen e Autoritetit të Dosjeve.
Nënkryetari i Partisë së Lirisë, Petrit Vasili tha se Gjykata ka rrëzuar vendimin e prokurorisë për mos nisjen e hetimeve për çështjen I.M. që doli në dosjen e sigurimit.
Sipas tij ky vendim provon gjithçka që Partia e Lirisë ka bërë publike në muajin tetor.
“Gjykata e Rrethit Gjyqësor Tiranë ka pranuar ankimimin e bërë nga avokati i Ilir Metës, Genc Gjokutaj lidhur me çështjen e Autoritetit të Dosjeve, një çështje skandaloze, ku gjykata pranon ankimin dhe rrëzon vendimin për mos fillimin e hetimeve lidhur me çështjen që Ilir Meta ngriti padi kundër Autoritetit të Dosjeve për veprime të rënda të kryera me qëllim dhe me regji politike. Ky veprim provon gjithçka që kemi bërë publike në muajin tetor.”- theksoi Vasili.
