Diktatori i Koresë së Veriut Kim Jong-u tërheq shpesh vëmendjen e mediave për shkak të stilit te jetesës që ai bën.
Nuk mbahet si person për trup të tonifikuar dhe me këtë mund të kuptojmë shumë nga konsumi i ushqimeve që ai bën gjatë ditë.
Mail Online ka zbuluar se Kim Jong-u dy vite më parë ka shpenzuar plotë 1 milionë dollarë për pije alkoolike. Ndërsa koreano-veriorët mezi arrijnë fundin e muajit, nga varfëria ekstreme dhe uria, Marshalli harxhon miliona për ushqimin e tij të importuar nga vende të ndryshme.
Ushqimet e tij të preferuara janë çokollata belge dhe vodka. Por edhe sasi të mëdha shampanje dhe djathi. Aq shumë i pëlqente djathi emental, saqë thonë se ishte i pangopur kur e ka përpara atë. Kur ulet në tavolinë, Kim Jong-u nuk kujdeset për kaloritë dhe e lejon veten të shkojë të bëjë aq shumë pazar për të siguruar ushqimet e shijshme perëndimore.
Në menynë e tij alkoolike nuk mund të mungojë vodka, për të cilën Marshallit i duhet të paguajë mbi 150 mijë dollarë në një vit. Por pasioni më i madh i Kim Jong-ut është padyshim djathi emental, që njerëzit e tij më besnik importojnë nga Zvicra. Ata që janë të informuar mirë për të thonë se dashuria për djathin me vrima ka shpërthyer në vendin zviceran, në kohën kur ai ishte vetëm një student. Vetëm për djathë, diktatori do të prekte shifrën e çmendur prej 70 mijë euro në një vit. Dhe është kaq i fiksuar aq sa nuk mund të bëjë pa të.
Sipas britanikes “The Sun” katër vjet më parë, për të vazhduar me importet, ai urdhëroi një ekip të përpunuesve koreanë të Koresë së Veriut për të qenë pjesë e një kursi intensiv në Francë për të mësuar sekretet e prodhimit të djathit të tij të dashur dhe pastaj ta aplikonte në atdheun e tij. Shumë keq që delegacioni i tij u refuzua nga shkolla franceze, duke e tërbuar fare atë. Pasioni për ushqimet yndyrore dhe alkoolin, megjithatë, mund t’i kushtonte shtrenjtë udhëheqësit të Koresë së Veriut. Pak kohë më parë, Kim ishte shfaqur i ngarkuar dhe më i ngopur se zakonisht, aq sa i ka bërë njerëzit të besonin se ai vuante nga sëmundja përdhes./opinion.al
