Frika nga tërmeti i ka shtyrë njerëzit të largohen nga Santorini, pasi destinacioni më i popullarizuar i ishullit të Greqisë vazhdon të goditet nga ajo që shkencëtarët e përshkruan si një “breshëri” lëkundjesh.
Edhe pse autoritetet po qëndrojnë në gatishmëri për shkak të shqetësimeve të shtuara për një fatkeqësi natyrore, banorët, turistët dhe punëtorët po përpiqen të largohen nga ishulli me tragete dhe aeroplanë.
Nga mesdita e së hënës, kompania Aegean Airlines kishte njoftuar se po dyfishonte numrin e fluturimeve nga Athina në Santorini për dy ditët e ardhshme, pasi agjentët e udhëtimit thanë se fluturimet e reja u shitën “brenda sekondave”.
“Ne po e monitorojmë situatën nga afër dhe pas diskutimeve me ministrinë e mbrojtjes civile, do të veprojmë në përputhje me rrethanat”, tha një zëdhënës i linjës ajrore për Guardian.
Kompanitë e trageteve thanë se do të vendosnin gjithashtu shërbime shtesë pasi marrja e biletave të pasagjerëve në varka u rrit.
Më shumë se 200 lëkundje nënujore tronditën ishullin gjatë fundjavës, shumica në ujërat midis Santorinit dhe Amorgos, ishullit më lindor të Cyclades.
Të hënën, një tërmet me magnitudë 4.8 ballë të shkallës Rihter, më i fuqishmi deri më tani, u regjistrua në orën 14:17 me orën lokale. Gjithashtu janë regjistruar rrëshqitje të tokës dhe gurëve.
Me urdhër të ministrisë së mbrojtjes civile të Greqisë, shkollat në Santorini dhe ishujt përreth Ios, Anafi dhe Amorgos do të qëndrojnë të mbyllura deri të premten.
Paralajmërimet janë lëshuar gjithashtu për të shmangur vijën bregdetare dhe porte të caktuara në rast se një tërmet shkaktonte një cunami./Opinion.al
