Pas shpalljes së kabinetit Rama 3, Taulant Balla ka dhënë një prononcim për mediat, ku është shprehur se edhe pse nuk ka asnjë post në qeveri nuk sheh asnjë shmangie të asaj që ka dëshirë të bëjë.
“Të jesh anëtar i grupit parlamentar i shumicës parlamentare në mandatin e tretë, është të mos jesh një pozicion i rëndësishëm politik. Gjithashtu, të drejtosh qarkun e dytë më të madh, nuk është pozicion politik. Ajo që duhet të ndryshojmë rrënjësisht është që çdo qytetar duhet ta dijë se për kë ka votuar dhe të ketë kontakt me atë që ka votuar. Unë kam thënë gjithmonë që do të jem zëri i atyre që më kanë votuar dhe do të vazhdoj ta bëj këtë në mënyrën më të mirë. Do të jem deputet i Qarkut të Elbasanit dhe drejtues politik në Qarkun e Fierit”, tha Balla.
Teksa është pyetur nëse është mërzitur me kryeministrin Edi Rama, Balla u përgjigj se do të mërzitet me të nëse qarku i Elbasanit që ai drejtoi më 25 prill nuk do të marrë investimet e duhura.
“Unë nuk jam mërzitur, unë do të mërzitem me Ramën nëse Qarku i Elbasanit nuk do të marrë investimet e nevojshme për t’i kthyer borxhin që PS-ja i ka për mandatin e tretë. Do të jem mes Elbasanit dhe Fierit”./Opinion.al
