Kreu i opozitës, Lulzim Basha i është përgjigjur deklaratave të kryeministrit Rama se opozita nuk mund të vendosë vija të kuqe dhe nuk mund të marrë peng qeverinë.
Në një reagim në Twitter, Basha shkruan se kryeministri Rama është peng i krimit dhe i oligarkëve dhe se ai nuk e sheh më as vizën e korrupsionit dhe as vizën e dhunës.
“Rama nuk e sheh më vizën e korrupsionit dhe as vizën e dhunës. Ai është peng i krimit, dhe sillet si kriminel me njerëzit. Është peng i oligarkëve dhe punon vetëm për ta. Ai vjedh përditë, shkatërron dhe varfëron shqiptarët. Ai shfrytëzoi edhe pandeminë për të vjedhur, për të shkaterruar teatrin, për të grabitur pasuritë publike dhe i la njerëzit pa asnjë ndihmë. Prandaj Shqipëria do shpëtojë prej këtij hajduti ordiner që bën vetëm keq: gjithë njerëzit e ndershëm ja kanë hequr vizën!”- shkruan Basha.
Në një intervistë televizive më herët, Rama tha se vija të kuqe mund të vendosen vetëm për reformat dhe se opozita duhet të ulet në tryezë për të përfunduar procesin dhe më pas të hyjnë në zgjedhje.
Basha është shprehur për mediat se përgjegjësia për këtë reformë është e PS dhe se janë ata që nuk kanë vullent për çuarjen e saj përpara. /Opinion.al
