Vijojnë kontrollet për respektimin e masave anti-COVID. Policia e Shtetit njofton se janë gjobitur 1552 qytetarë që u konstatuan duke lëvizur pa maskat mbrojtëse, gjatë katër ditëve të fundit. Gjithashtu, janë ndëshkuar me gjobë 16 qytetarë që u konstatuan duke lëvizur në këmbë pas orës 22:00.
Po ashtu gjatë harkut kohor të 4 ditëve të fundit autoritetet njoftojnë se kanë ndëshkuar me masë administrative 1.000.000 lekë, një lokal në ambientet e të cilit nuk respektoheshin protokollet e sigurisë.
Ndërsa janë shoqëruar në ambientet e Policisë në të gjithë vendin, 27 shtetas që nuk kanë pranuar t’i tregojnë punonjësve të Policisë dokumentin e identifikimit. Pasi janë identifikuar ata janë ndëshkuar me gjobë 3.000 lekë dhe më pas janë lënë të lirë/ Opinion.al
