Pasditen e sotme GJKKO deklaroi se avokatët e ish-kryeministrit Sali Berisha nuk depozituan kërkesën për përjashtimin e gjyqtares Irena Gjoka.
Lidhur me këtë deklaratë kanë reaguar avokatët e Berishës, të cilët shprehen se GJKKO duhet të informojë se cila është arsyeja pse nuk dha vendimin e mospranimit të kërkesës së tyre.
Sipas tyre kjo kërkesë nuk u vu në dispozicion të tyre deri në orarin zyrtar, sikurse iu ishte premtuar zyrtarisht dhe verbalisht.
“GJKKO të informojë, se cila është arsyeja qe deri ne orarin zyrtar nuk vuri ne dispozicion vendimin e papranueshmërisë se kërkesës për përjashtimin e gjyqtares Irena Gjoka sikurse i’u premtua avokateve zyrtarisht dhe verbalisht”, u shprehën ata në reagimin e tyre.
