Deputeti i Partisë Demokratike, Belind Këlliçi gjithashtu kandidat për Bashkinë e Tiranës është shprehur se ka firmosur pro shkarkimit të Enkelejd Alibeaj, duke mbështetur deputetin Salianji për kreun e grupit parlamentar.
Këlliçi u shpreh se më herët ka menduar ndryshe, duke i’u referuar 8 janarit , por ai mbështet Salianjin duke e cilësuar si një nga firmëtarët e parë të Psrtisë Demokratike.
“Kam qenë një nga firmëtarët e parë. Unë dhe zoti Salianji, kushdo që ka qenë i përfshirë në historikun e PD në këto 7 vitet e fundit, mbase nuk kemi qenë miqtë më të mirë me njëri-tjetrin, kemi qenë rival dhe kemi vazhduar dhe kemi pranuar rezultatin. Kemi vazhduar karrierën tonë politike. Por për hir të bashkimit të PD-së, unë kam firmosur për zotin Salianjit pa diskutim, me bindjen e absolute se kjo i shërben qetësimit të ujërave në PD dhe një nisme për të bashkuar kë të mundemi.”, tha ai
