Kombëtarja Shqiptare zhvilloi dje një ndeshje shumë të mirë në fitoren 4-0 ndaj Moldavisë. Lojtarët dominuan takimin pothuajse gjatë gjithë 90 minutave dhe kjo la një shije të mirë tek të gjithë tifozët. Tepër i kënaqur me punën e skuadrës u shpreh edhe Presidenti i Federatës Shqiptare të Futbollit, Armand Duka.
Ai njohur meritat e ekipit por veçoi ndër të tjera trajnerin Reja. I pyetur për rinovimin e kontratës së trajnerit Italian Duka tha se kjo nuk është cështje për diskutim duke konfirmua në njëfarë mënyre zgjatjen e kontratës.
“Nuk kemi çfarë të ulemi dhe të bisedojmë për kontratën e trajnerit Reja. Do të ulemi dhe të bisedojmë për projektin drejt Ligës së Kombeve dhe kualifikueseve të Botërorit”, tha Duka.
Presidenti i FSHF shtoi gjithashtu se fitorja me Moldavinë ishte një shpërblim për skuadrën pas humbjes së pa fat me Turqinë.
“Kishim shumë emocione para ndeshjes, deri në minutën kur Cikalleshi shënoi golin e parë. U duk se ishte një gjë e lehtë, por siç e thash para ndeshjes këto janë ndeshje të vështira për t’u përgatitur. Jam shumë i lumtur që fituam dhe djemtë shpërblyen punën e tyre. Fati i dënoi në Turqi ku meritonim më shumë. Frytet e punës së tyre do të vijnë”, tha Duka. /Opinion.al
