Kreu i Partisë Demokratike Lulzim Basha ka hartuar një plan për ditët e fundit të vitit. Sipas burimeve të “Balkanweb” duke nisur që nga dita e hënë, Basha do të zhvillojë një tur takimesh nëpër disa bashki të vendit. Ky tur takimesh është konceptuar si bashkëbisedim me qytetarët për krizën ekonomike, politike dhe kushtetuese ku ndodhet Shqipëria.
Sipas të njejtave burime, këto takime do të jenë në funksion të protestave të cilat janë paralajmëruar nga opozita. Nuk dihet, nëse pas Vitit të Ri, Partia Demokratike do të hyjë apo jo në Parlament.
Lulzim Basha konfirmoi dy ditë më parë se po shqyrtohen tre opsione të marrëdhënies së opozitës me parlamentin, me avatazhet dhe disavantazhet e tyre. Opsioni i parë është për një marrëdhënie të kushtëzuar me Parlamentin. Opsioni i dytë është për bojkot pa afat Opsioni i tretë është ai i invalidimit të mandateve.
