Ish-kreu i Burgjeve, Arben Çuko merr pafajësi nga gjykata. Gjyqtari Sokol Toma ka pushuar akuzën për ish-deputetin e PS.
Sipas gjyqtarit, prokuroria nuk solli prova që lidh Çukon me korrupsionin në burgje. Arben Çuko ra në pranga në kuadër të operacionit “VOL-VO4” në 18 tetor të 2018. Sipas akuzës së ngritur nga prokuroria, ish Drejtori i Përgjithshëm i Burgjeve dyshohej se merrte ryshfet në këmbim të lejeve apo transferimeve të të dënuarve.
Në atë kohë në pranga ra edhe ish deputeti Arben Ndoka. Emri i Arben Ndokës u lakua për një kohë të gjatë në vitin 2014, kur ai ishte deputet. Partia Demokratike publikoi në atë kohë dokumentet sipas të cilave, Ndoka rezultonte të ishte dënuar në Itali, në fund të viteve ’90 me mbi 7 vjet burgim, për “shfrytëzim prostitucioni në rrethana të rënduara”, dhe se një pjesë të dënimit e kishte shlyer në burgjet shqiptare.
Rasti i deputetit Ndoka, ndonëse pa u përmendur me emër, u përfshi në vitin 2015, në raportin e departamentit amerikan të shtetit mbi Trafikun e Personave./ Opinion.al
