Në fushën e lojës është një trajner që i pëlqen të rrijë në mbrojtje, por në konferenca është gjithmonë në sulm. Pavarësisht se një ditë më parë Arsen Venger u përpoq ta mbajë të qetë situatën në prag të ndeshjes Junajtid-Arsenal, Zhoze Murinjo i hedh benzinë zjarrit duke e thumbuar sërish teknikun francez të “Topçinjve”. Në fakt, ai ka kritikuar mediat dhe gazetarët që nuk e respektojnë aq sa duhet në krahasim me trajnerin rival të ditës së sotme.
Sulm Vengerit
Pika më e fortë e duelit Mou-Venger janë titujt e fituar dhe portugezi di ta shfrytëzojë mjaft mirë këtë gjë. “Titulli im i fundit në Angli është 18 muaj më parë, jo 18 vite më parë. Megjithatë, unë nuk e kam respektin e gazetarëve, ashtu siç e ka Venger. Kjo nuk ma prish gjumin e natës, por thjesh doja ta konstatoja përpara jush. Rivali im nuk është fitues, por humbës”, u ka thënë Murinjo gazetarëve.
Ai ka nisur të munërojë edhe ti tujt e fituar. “Unë kam fituar nëntë kampionate të ndryshme dhe do të tentoj të fitoj të katërtin në Angli. Jam në klubin që kam dashur gjithmonë të jem. Kur u shkarkova nga Çelsi pata shumë oferta nga klube të ndryshme. Mund ta kisha nisur punën edhe një javë më vonë, por prita sepse doja diçka të madhe. Dua të fitoj fitullin kampion me Mançesterin. Nuk kam bërë kontratë njëvjeçare, por trevjeçare”, ka thënë Murinjo në konferencën për shtyp.
Për Runin
Situata që po kalon sulmuesi i “Djajve”, Uejn Runi, nuk e ka shqetësuar aspak trajnerin porhigez, i cili ka thënë se lojtari është gati. “Ajo që ka ndodhur nuk më in tereson shumë, sepse lojtari ka kombëtaren angleze. Ata duhet të mbajnë përgjegjësi për këtë. Ndonjëherë këto situata të bëjnë më të fortë dhe dua të them se Runi është gati për ndeshjen e nesërme (sot). Është stërvitur mirë dhe sigurisht që mund ta nisë sfidën si titullar”, përfundoi “Special One”.
Ndeshja mes Mançester Junajtid dhe Arsenalit do të luhet sot në orën 13:30, dhe “Djajtë” e Murinjos do të tentojnë patjetër fitoren për të mbajtur gjallë një shpresë të vogël për titullin kampion. Nga ana tjetër, Arsenali dëshiron të harrojë barazimin me Totenhemin dhe të nisë një epokë fitoresh.
