Përplasjet mes Kryetarit të Kuvendit Gramoz Ruçi dhe deputetit të opozitës parlamentare Kujtim Gjuzi kanë ndjekur senacat parlamentare që kur ky i fundit mori mandatin e deputetit. Ata nuk e kanë kursyer një të tillë as sot, në një nga seancat më të pazakonta të Kuvendit.
Deputeti Gjuzi ngriti pretendimin se futja e ushtrisë në rrugë përbën një shkelje kushtetuese nga kryeministri të cili e akuzoi për grusht shteti. Ruçi e kundërshtoi këtë pretendim dhe debati mes tyre përfudoi sërish me kërcënimin e përjashtimit nga senanca të deputetit Gjuzi.
Kujtim Gjuzi: Kryeministri ka nxjerrë akte normative ka nxjerrë ushtrinë nga kazerma, ka shkelur kushtetutën, prej 44 ditësh vendi është në grusht shteti të Edi Ramës. Nëse ju do të vazhdoni ti bëni kritike opozitës që ruajti 100 vjet parlamentin dhe nuk ishte dakord me ato që e braktisën parlamentin dhe kërkuan të shkelin shtetin, duke shkelur të gjithë normat që përban Kushtetuta e Shqipërisë, nuk mundet Televizioni Shqiptar të konsiderojë kryeministri këtë apo atë, kryetar. Në këtë situatë mos na hiqni minutazhin jemi në një gjendje të jashtëzakonshme dhe pse nuk jemi realisht ashtu. E kemi mbledhur parlamentin edhe ne 97.
Gramoz Ruçi: I dashur deputet mesa duket edhe ju flisni po…
Kujtim Gjuzi: Nuk jam i dashuri yt
Gramoz Ruçi: Ma kërkon etika dhe njerzillëku. Nuk ke të drejtë të thuash se aktet normative janë në kundërshtim me kushtetutën . Nuk ke të drejtë të thuash se vakancën e krijuar nga situata e jashtëzakonshme, por duhet të punosh më shumë për të kuptuar se çfarë kanë bërë parlamentet e tjera në vendet më të zhvilluara. Përkundrazi mos spekulo dhe mos fol nga vendi se do të nxjerr jashtë dhe në këtë situatë të jashtëzakonshm. /Opinion.al
