Kryebashkiaku i zgjedhur i Himarës Fredi Beleri është lënë në burg nga Gjykata e Posacme Kundër Korrupsionit dhe Krimit të Organizuar.
Në seancën e mbajtur për zëvendësimin e masës së sigurisë, avokatët e tij kërkuan masë më të lehtë sigurie, por GJKKO e ka hedhur poshtë.
Fredi Beleri akuzohet për blerje votash në Himarë për zgjedhjet vendore të 14 Majit.
Beleri ende nuk është betuar, ndërsa Greqia fqinje ka kërcënuar Shqipërinë se do të bllokojë çdo financim të BE dhe kursin europian të vendit nëse nuk lejohet që të betohet kryebashkiaku i zgjedhur i Himarës.
Ai mbahet në arrest prej 12 majit të këtij viti pasi u arrestua për blerjen e votave të 8 qytetarëve kundrejt 40 mijë lekëve.
