Këtë të shtunë në Beograd, Izmir Smajlaj është shpallur kampion Evrope në kërcimin për së gjati duke shënuar kështu edhe një përmirësim të rekordit të tij personal me 8.08 metra.
Ndërkohë ditën e djeshme në shumë panele emisionesh sportive është thënë se atletë rekordmen si shkodrani apo si Luiza Gega në qytete e tyre nuk kanë hapësira të mjaftueshme për tu stërvitur, duke u detyruar të udhëtojnë drejt “Elbasan Arenës”, i vetmi stadium me pistë atletike.
Ndërkohë mëngjesin e sotëm, kryeministri Rama ka shprehur edhe një herë vlerësimin e tij për sportistin Izmir duke shpërndarë dy video nga stërvitja e tij.
“Pas çdo suksesi ka një punë të palodhur”- shkruan Rama nën video.
