Një ndeshje pa gola dhe shkëlqim ajo mes Flamurtarit dhe Teutës. Skuadrat nuk prodhuan shumë në fushën e lojës, dhe u treguan të kujdesshme në fazën difensive.
Flamurtari provoi disa herë me anë të Zhufos dhe Danilo Alveshit por pa sukses. Në minutën e 89-të pati një pretendim për gol nga vlonjatët, por për gjyqtarin Jorgji, topi nuk e kishte kaluar vijën fatale.
Me barazimin e sotëm Flamurtari i lë vendin e dytë Kukësit, pas fitores ndaj Laçit, ndërsa Teuta ngjitet provizorisht në vendin e 6-të me 15 pikë në 12 ndeshje.
