Komisioni i Pavarur i Kualifikimit ka dhënë ditën e sotme vendimin për gjyqtaren e Gjykatës së Apelit, Zegjine Sollaku.
Bëhet me dije se gjyqtarja Sollaku është shkarkuar nga detyra.
Nga hetimi i KPK ka rezultuar se gjyqtarja Zegjine Sollaku ka probleme me pasurinë, pasi nuk justifikon një shumë prej 7 milionë lekësh. Sipas raportit bashkëshortët Zegjine dhe Theodhori Sollaku, kanë në pronësi 8 apartamente, te verifikuara nga hetimi administrativ, disa garazhe, si dhe dy makina.
Gjyqtarja Sollaku mbrohej në këtë seancë nga bashkëshorti i saj, ish-kryeprokurori i Përgjithshëm, Theodhori Sollaku, i cili në cilësinë e avokatit, gjatë seancës dëgjimore, kundërshtoi gjetjen e komisionit.
Ai mësohet të jetë shprehur se sikurse ka rezultuar edhe nga hetimi administrativ, të gjitha transaksionet financiare janë kryer nga ana e tij, ndërsa shtoi se e shoqja gjyqtare kishte qenë gjithmonë e fokusuar te detyra./Opinion.al
