Dy persona kanë rënë në prangat e policisë pasi ndërkohë që po udhëtonin me një makinë të vjedhur nuk i janë bindur urdhrit të bluve, kur u është kërkuartë ndalojnë, ndërkohë një tjeër i ri që ishte bashkë me ata është në kërkim.
Në prangat e policisë kanë rënë 28-vjeçari me iniciale A.G për veprat penale “Mosbindja ndaj urdhrit të punonjësit të policisë ” dhe “Vjedhja e kryer në bashkëpunim” si dhe 24-vjeçari me iniciale K.Z banues në Mamurras, Kurbin, për veprat penale “Vjedhja e kryer në bashkëpunim”, “Përkrahja e autorit të krimit” dhe “Mosbindje ndaj urdhrit të punonjësit të policisë”.
Në kërkim është shpallur personi me iniciale Sh.Xh, i cili mundi të largohej gjatë ndjekjes nga Policia. Ata akuzohen se në datë 20 Shkurt kanë udhëtuar me një mjet tip “Benz”, i dyshuar si i vjedhur në Tiranë më datë 25.06.2019, me targa të tjera të vjedhura në Shkodër, dhe më pas nuk iu bindën urdhrit të Policisë për ndalim. Pas ndjekjes nga Policia të rinjtë kanë braktisur mjetin dhe njëri prej tyre ka mundur të largohet.
Gjithashtu nga veprimet hetimore dyshohet se në bashkëpunim me njëri-tjetrin, janë autorë të këtyre ngjarjeve:
Më datë 05.06.2019, në Fushë Krujë, dyshohen se kanë vjedhur mjetin tip “BMË”, në pronësi të shtetasit E. Ll.
Më datë 19.11.2019, në fshatin Derven, Krujë, kanë vjedhur mjetin tip “Benz” në pronësi të shtetasit Sh. D. Materialet i kaluan Prokurorisë së Rrethit Gjyqësor Durrës, për veprat penale “Mosbindja ndaj urdhrit të punonjësit të policisë” dhe “Vjedhja e kryer në bashkëpunim” dhe “Përkrahja e autorit të krimit”./Opinion.al/
