Bebe Rexha duket se i ka lënë pas konfliktet me të atin. Këngëtarja e famshme shqiptare u fotografua të hënën në mbrëmje me babin e saj, Flamur Rexhën.
Sipas “Daily Mail” ata u panë në New York City, kapur dorë për dore dhe mjaft të lumtur në praninë e njëri tjetrit.
Kujtojmë se jo shumë ditë më parë Bebe Rexha u nis drejt New Yorkut për të takuar babain, i cili nuk i fliste më që pas publikimit të klipit të saj më të fundit.
“Ai ende nuk më flet, kanë kaluar dy javë. Ja përse po iki në Nju-Jork tani, shpresoj të pajtohemi, por se di, ai më urren”, tha këngëtarja me origjinë shqiptare për TMZ.
Kënga e saj “Last Hurrah”, është e mbushur me skena provokuese, dhe seksi, të cilat duket se ishin të papranueshme për të atin.
29-vjeçarja madje publikoi dhe disa mesazhe të dërguara nga i ati, Flamur Rexha, i cili ndër të tjera shkruante:
“Ti bën mirë ta mbyllësh me këto postime idjote pornografike, sepse më vjen për të vjellë, nuk mund ta duroj më këtë, jam i turpëruar të dal në publik, jam shumë i nxehur me ty, nuk mund ta besoj”./Opinion.al
