Adnan Januzaj ishte njeriu i ndeshjet së fundit në grupe për kombëtaren belge në atë fitore minimale 1-0 ndaj Anglisë, ku goli i vetëm i takimit u shënuar pikërisht nga sulmuesi me origjinë nga Kosovë.
Por ndërsa pas ndeshjes nuk e përmendi fare Kosovën, tashmë në një intervistë për mediat belge, Januzaj ka pranuar prejardhjen e tij nga Kosova, ndërsa ka folur edhe se pse nuk festoi me simbolin e shqiponjës, ashtu siç bënë Xhaka dhe Shaqiri.
Për këto pretendime, futbollisti Adnan Januzaj u sulmua dhe kritikua shumë nga shqiptarët, madje pati dhe të huaj të cilët ironizuan me të se ai nuk kishte pranuar se ishte shqiptar.
“Natyrisht se Kosova është vendi im” i përgjigjet ai gazetarit pas pyetjes së tij, ndërsa flisnin për fotografi të vjetra që i kishte bërë në Kosovë. Madje, Januzaj potencon se është mjaft i lidhur me vendin e tij.
“Unë jam kosovar dhe jam i lidhur me vendin tim. Prindërit e mi vijnë nga ai vend po ashtu…”, janë deklaratat e fundit të Adnan Januzajt.
Ai shënoi gol ndaj Anglisë duke u bërë shqiptari i katërt që gjetën rrjetën në Botëror, pas Granit Xhakës, Xherdan Shaqirit e Blerim Xhemailit.
“Unë nuk dua ta përziej futbollin me politikën. Unë preferova të festoj me tifozët dhe shokët e mi. Nuk e di mirë se a ishte një nga golat më të mirë në karrierë, por e di se ishte më i rëndësishmi. Unë dua ende të shënoj në këtë Kampionat Botëror. Por, trajneri duhet të bëjë vendimet e tij”, shtoi kosovari me pasaportë belge.
