Të gjithë njohin si profesionin e tij pikturën, edhe për faktin që Kryeministri i Shqipërisë është diplomuar për pikturë në Akademinë e Arteve të Bukura sot Universiteti i Arteve.
Madje, si për të treguar që kjo është një zgjedhje nga e cila nuk ka aspak ndër mend të heq dorë, Rama pavarësisht impenjimeve si Kryeministër nuk e ka lënë kurrë pas dore pikturën, teksa kohë pas kohe gjen hapësira të mendojë edhe për ekspozitat e tij, madje tashmë jashtë kufijve.
Kundërshtarët e tij politikë, apo edhe gazetarët shpesh e kanë cilësuar si Piktori, nisur nga profesioni ashtu sikurse për Berishën është përdorur gjithashtu profesioni i tij Doktori.
Por Kryeministri Rama duket se ka suprizuar të premten në mbrëmje teksa ka pohuar se profesioni i tij nuk është piktor.
Në studion e Arjan Çanit, kur ky i fundit i veshur në rolin e prokurorit ka paraqitur gjeneralitetet e Ramës ka thënë që profesioni i tij ishte piktor.
Por Kryeministri e ka kundërshtuar duke thënë se piktura nuk është profesion, por vokacion.
Rama ka shtuar se është diplomuar për pikturë dhe Rama ka punuar për disa kohë si pedagog, por ka theksuar që piktura është vokacion dhe jo profesion.
Megjithatë, Rama nuk ka saktësuar se cili ishte profesioni i tij apo profesioni me te cilin ai do donte te cilesohej. / Opinion.al
