Babai i 12-vjeçarit që humbi jetën dje duke luajtur mbi liqenin e ngrirë të Kasharit, Fatos Gurakuqi, ka kërkuar leje nga drejtoria e burgut për të përcjelë fëmijën në banesën e fundit, por nuk është lejuar.
Varrimi ka qënë sot në mesditë, në orën 12:30 dhe Gurakuqi s’ka mundur të shkojë. Pas lutjeve, ai ka kërcënuar “Do të djeg burgun nëse s’më lejoni të vete në varrim”.
Avokati i tij e ka paraqitur kërkesën për leje në orën 12:00, tepër vonë sipas Drejtorisë së Burgjeve. Po ashtu, nuk ka paraqitur një çertifikatë familjare; nga ana tjetër, Gurakuqi është dënuar me burg pikërisht për një krim që ka kryer ndaj familjes së tij, inçestit dhe abuzimit me vajzën e tij të mitur, thuhet në njoftim. Vajza e tij e mitur, 15 vjeç që çoi babanë pas hekurave dje rrezikoi jetën duke tentuar të shpëtonte vëllanë që ra në liqen. Ajo u nxorr e gjallë nga ujërat e ftohta të liqenit të Kasharit, ndërsa vëllai 3 vite më i vogël humbi jetën.
