Aktorja e njohur turke Hazal Kaya, e njohur si ‘Nihal’ tek seriali “Dashuri e ndaluar” ka qenë në qendër të vëmendjes mediatike pasi pak javë më parë u lidh në martesë. Pas 5 vitesh lidhje me aktorin turk, Ali Atay, çifti u kurorëzua në një ceremoni shumë të bukur.
Megjithatë një detaj që është komentuar gjatë nga kjo dasmë ishte mungesa e aktores Beren Saat (Bihter) që sipas mediave turke nuk është ftuar nga Kaya si pasojë e konflikteve mes tyre. Ka qenë vet Hazal, e cila ka hedhur poshtë këto aludime duke theksuar se jeta e vërtetë është shumë larg intrigave të serialit.
“Jeta e vërtetë është ndryshe nga ajo e filmave, kështu që unë mendoj se duhet të duam jetën e vërtetë. Nuk ka asnjë intrigë mes nesh. Shumë bashkëpunëtorë të mi nuk kanë mundur të jenë pjesë e dasmës jo vetëm, Beren”, – u shpreh aktorja duke i dhënë fund kështu aludimeve të mediave.
Hazal dhe Beren kanë bashkëpunuar në serialin e njohur “Dashuri e ndaluar” i transmetuar në shumë vende të botës dhe gjithashtu edhe në Tv Klan./Xh.K/Opinion.al
