Këngëtari i famshëm meksikan, Armando Vega Hil, është gjetur i vdekur në shtëpinë e tij. Sipas policise vendase 63-vjeçari ka lidhur një litar në fyt dhe ka mbytur veten pasi u akuzua publikisht në Twitter se kishte përdhunuar një vajzë 13-vjeçare.
Sipas New York Times, Armando Vega shkroi një letër vetëvrasje teksa sqaron pafajsinë e tij:
“Këto akuza nuk janë të vërteta. Nuk duroj gjëra të tilla. Vetvrasja ime nuk është një akt që me bën të dukem si fajtor, por është një shprehje ekstreme e pafajësisë time”.
Autoritetet vendase nuk e kishin verifikuar ende nëse akuzat për përdhunim ishin të vërteta por mesa duket akuzat e shpërndara me shpejtësi në rrjete sociale dhe portale e kanë çuar këngëtarin meksikan në marrjen e vendimit tragjik.
Armando Vega ishte themeluesi i bandës rock të Botellita de Jerez që u krijua në vitet 1980 dhe vazhdonte të jepte koncerte në Meksikë dhe Amerikë, si një nga grupet më legjendare./Opinion.al
