Kryeministri Edi Rama deklaroi mëngjesin e sotëm se administratës nuk do t’i mbahet asnjë lekë nga rroga për të shkuar për fondet e të prekurve nga tërmeti tragjik i 26 nëntorit.
Pas kësaj deklarate ka ardhur reagimi ish-deputetes së Partisë Demokratike, Albana Vokshi. Përmes një postimi në rrjetet sociale, ajo ka akuzuar kryeministrin Rama për mashtrim.
Vokshi ka publikuar një vendim ku thuhet se si jepet urdhër drejtorisë së policisë së Shkodrës që të kontribuojnë për të prekurit nga tërmeti. Ish-deputetja shton se Rama këto ditë interesohet vetëm për të hapur sheshe ndërtimi.
Reagimi i Vokshit
Sa më e madhe fatkeqësia, aq më intensive dhe e pamëshirshme makineria e propagandës së Edi Ramës që përmes mashtrimit nuk kursen askënd as fëmijë, as persona me aftësi ndryshe, as gra e të moshuar, as policë apo profesionistë.
Sot, Kryeministri Rama mashtroi përsëri kur tha që nuk i kanë detyruar punonjësit të japin lekë nga rroga e tyre. Po postoj eshe një herë Urdhrin e paligjshëm 1933, dr 27.11.2019 që urdhëron mbajtjen e pjesshme të pagave të policëve në Shkodër.
Duke keqpërdorur qëllimshëm vendosjen antikushtetuese të gjendjes së jashtëzakonshme, interesi kryesor i Kryeministrit këto ditë është të hapë sheshe ndërtimi. Ndaj edhe s’u jep qytetarëve akt ekspertimin për shtëpitë e pallatet./Opinion.al
