Aktualitet

Nuk do të jenë më në lista, ja ç’thanë deputetët e PS para gazetarëve


Bëhu pjesë e Grupit Zyrtar të Opinion.al
>> KËTU <<
               Publikuar në : 15:34 - 16/03/21 |
Opi Nion

Teksa jemi pak javë larg zgjedhjeve elektorale, partitë politike kanë depozituar në KQZ emrat e kandidatëve për deputetë të cilët do të konkurrojnë në këtë garë.

Por ajo që është vënë re është fakti se shumë emra të njohur dhe me eksperiencë të gjatë në Partinë Socialiste nuk janë përfshirë në zgjedhje përmendim këtu Eglantina Gjermani, Musa Ulqini, Fate Velaj, Edmond Leka apo Sadi Vorpsi.

Në hyrje të Kuvendit për të mbajtur ditën e sotme seancën e fundit plenara, para se ai të shpërnadahet për zgjedhjet elektorale deputetet  nuk munden t’i ‘shpëtojnë’ ngacmimit të gazetarëve.

Reagimin më epik e ka bërë deputeti i zgjedhur në Qarkun e Tiranës në 2017-n, Sadri Abazi, pasi është pyetur se pse është largur nga Partia Socialiste. Një e qeshur e madhe dhe kaq, asnjë fjalë tjetër.

Teksa më i emocionuar është shfaqur Musa Ulqini. Më zërin gati duke iu dridhur deputeti i PS-së ka thënë se i ka shërbyer me nder vendit socialistëve por edhe të gjithë shqiptarëve.

“Unë jam shumë i emocionuar të them sot që kam qenë shumë i nderuar që u kam shërbyer qytetarëve shqiptarë dhe socialistëve për 25 vite rresht. Dhe kjo padiskutim është një nder që më është bërë mua dhe jam përpjekur që ta justifikoj duke ofruar një model në politikën shqiptare dhe gjithmonë jam udhëhequr nga parimi që ndershmëria është politika më e mirë”, ka deklaruar Ulqini.

Ndërkohë që Eglantina Gjermeni vetëm ka ripërsëritur arsyen e largimit të saj.

“U largova vetë, kam gati 1 vit që ia kam thënë kryeministrit, arsye personale”, tha Gjermeni.

Deputeti i Vlorës, Fate Velaj, ka deklaruar se PS ka autorizuar Edi Ramën që të bëjë një pjesë të gjatë të rrugës.

“Dhe i duhen njerëz për etapa të caktuara, për këtë pjesë rruge unë isha i duhuri, në pjesën tjetër do marrë dikë tjetër. Nuk mund të mbajë të njëjtët njerëz deri në Kinë. Unë deri javës tjetër jam në Kuvend, do të pyes familjen për një vendim tjetër (kur pyetet për postin e kryebashkiakut), e cila jeton në Vjenë. Nuk e kam ndjekur dhe aq shumë përplasjen mes Lelit në Vlorë, deri në 6 Shtator jam deputet, jam i fokusuar te fushata ime”, tha ai.

Për deputetin e Tiranës, Sadi Vorpsi, moskandidimi i tij ka qenë një zgjedhje personale.

“Ka qenë një zgjedhje personale e imja, ishte zgjedhje imja! Ja u thashë dhe njëherë, ishte thjesht një zgjedhje personale e imja, unë ekam sqaruar shumë mirë dhe në statusin që bëra, do të vazhdoj të jem pjesë e mazhorancës”, ka nënvizuar Vorpsi./Opinion.al

Pas